Хавар, намрын улиралд гадаад, дотоод орчны температурын зөрүү багасах үед айл өрхийн зуух, пийшингийн яндангийн таталт муудаж, угаарын хийн хордлогод өртөх эрсдэл нэмэгддэг.

Иймээс иргэдийг болзошгүй эрсдэлээс урьдчилан сэргийлж, галлагаа хийхдээ дараах зүйлсийг анхаарахыг Онцгой байдлын ерөнхий газраас зөвлөлөө.

Угаарын хийн хордлогоос урьдчилан сэргийлэх зөвлөмж:

• Пийшин, зуухыг зөв галлаж, утааг сайн гаргах нөхцөлийг хангах,
• Зуухны янданг тогтмол цэвэрлэж, бөглөрсөн эсэхийг шалгах,
• Угаарын хийн мэдрэгч суурилуулах, хэвийн ажиллаж байгаа эсэхийг шалгах
• Өрөөний сэлгэлт хийх,
• Тогтмол өрөөндөө агаар сэлгэлт хийж, агаарын чанарыг сайжруулах,
• Утаа гарсан үед цонх, хаалгыг онгойлгож агааржуулахыг анхаарууллаа.