Сар хүрэхгүй хугацааны өмнө болсон аймаг, нийслэл, сум, дүүргийн ИТХ-ын сонгуульд МАН үнэмлэхүй ялалт байгуулсан. МАН НИТХ-ын 45 суудлын 34, 21 аймгийн 13, есөн дүүргийн найм, 330 сумын 185-д нь ялалт байгуулсан юм. Орон нутгийн найм дахь удаагийн сонгуулиар бүрдсэн ИТХ-ууд анхдугаар хуралдаанаа хийж, ИТХ-ын дарга, Тэргүүлэгчдээ сонгоод байна. Мөн Засаг даргад нэр дэвшигчдээ тодруулж, дээд шатны томилох албан тушаалтанд нь тогтоолоо хүргүүллээ.

ИТХ-аас нь нэр дэвшүүлсэн нийслэл, аймгийн Засаг дарга нарыг Ерөнхий сайд, дүүргийн Засаг дарга нарыг нийслэлийн Засаг дарга захирамж гарган томилдог юм. Одоогийн байдлаар зарим аймаг, дүүргийн Засаг дарга нар албан ёсоор томилогдоод байна. Харин зарим нэр дэвшигчийг Ерөнхий сайд, нийслэлийн Засаг дарга хараахан томилоогүй байгаа юм. Гэхдээ нэгэнт аймаг, дүүргийнхээ намынхаа хороо, ИТХ-аасаа олонхийн дэмжлэг авсан нэр дэвшигчдийг Засаг даргаар батламжлах нь ойлгомжтой. Үүнтэй холбогдуулан шинээр сонгогдсон аймаг, дүүргийн ИТХ-ын дарга, томилогдсон Засаг дарга болон нэр дэвшигчдийг танилцуулъя. Харин Завхан аймгийн шинээр сонгогдсон ИТХ одоо болтол анхдугааар хуралдаанаа хийгээгүй байна.