“ОХУ 2018” хөлбөмбөгийн дэлхийн аварга шалгаруулах тэмцээний шигшээ тэмцээнд оролцох сүүлчийн эрхийг Данийн хөлбөмбөгчид авлаа. Тэд нутагтаа Ирландтай 0:0-ээр тэнцсэн ч өнгөрсөн шөнө талбайд нь 5:1-ээр бутниргэж энэхүү эрхийг хүртсэн юм.

Иралндчууд тоглолтыг урамтай эхлүүлж, зургаа дахь минутад Шейн Даффи гоол оруулан тоглолтыг тэргүүлж эхэлсэн. Гэсэн ч зочид эхний хагаст хоёр гоол оруулж, сүүлийн хагаст гурвыг нэмснээр ДАШТ-ий эрхийг нүүр бардам авсан юм. данийн багийн Эриксен энэ тоглолтод хет трик хийж багийнхаа ялалтад голлох үүргийг гүйцэтгэжээ.

ДАШТ-ий сугалаа ирэх сарын 1-ний өдөр болно.