Хан-Уул дүүргийн III хорооны нутаг, Яармагийн гүүрэн дороос энэ сарын 25-ны өдөр буюу өнгөрсөн мягмар гарагийн үдэш сумны шархтай эрэгтэй олджээ.

Тэрээр толгойдоо сумны шарх авсан байсан бөгөөд түүнийг иргэд олж цагдаагийн байгууллагад мэдэгдсэн байна.

Улмаар түүнд эмнэлгийн тусламж үзүүлж амийг нь аварчээ. Одоогоор түүний биеийн байдал тогтвортой байгаа хэмээн эх сурвалжууд “Өнөөдөр” сонинд ярьсан байна.

Түүнчлэн хэргийн газрын үзлэгээр тайрсан “ТОЗ-8” буу, хонгионоос гадна дээрх эрийн болон өөр хэн нэгний гутлын мөр олдсон аж.