Шалгалтын өмнөх сэтгэл түгшилт, айдас,сандрал зэрэг нь хүүхэд бүрд харилцан адилгүй өөр өөр түвшинд илэрдэг.  Иймд шалгалтын өмнөх сэтгэл зүйгээ бэлдэх нь амжилттай үр дүн гаргахад чухал нөлөөтэй. Түүнчлэн шалгалтын өмнөх сэтгэл зүйг зөв бэлдэх нь зөвхөн сайн дүн гаргахад тусалдаг төдийгүй хүүхдийн өөртөө итгэх итгэлийг нэмэгдүүлж, ирээдүйн шалгалт, сорилтуудыг илүү тайван хүлээж авах дадал суулгадаг. Иймд доорх зөвлөмжүүдийг шалгалтад бэлдэх үедээ хэрэгжүүлээрэй.

1. Цагийн хуваарь гаргах

Өөртөө цагийн хуваарь гаргаж, хичээллэх болон амрах цагаа тодорхой байлгах хэрэгтэй. Тодорхой төлөвлөгөөтэй байснаар хэт их стрессээс сэргийлэх боломжтой.

Сүүлийн мөчид бөөнөөр нь бэлдэхээс зайлсхийж, өдөр бүр бага багаар давтах нь илүү үр дүнтэй.

2. Тайван орчин бүрдүүлэх

Хичээллэх орчин тань тухтай, цэвэрхэн, анхаарал сарниулах зүйлгүй байх хэрэгтэй.

Хэт ядарсан, унтаагүй үед сурах чадвар буурдаг тул сайтар амарч байх нь чухал.

3. Бясалгал, амьсгалын дасгал хийх

• Бясалгал болон гүнзгий амьсгал авах дасгал нь стресс тайлах, төвлөрөл нэмэгдүүлэхэд тустай.
• Шалгалтын өмнө эсвэл бэлтгэл үеэр 5-10 минутыг амьсгалын дасгалд зарцуулаарай.

4. Өөртөө итгэх итгэлээ нэмэгдүүлэх

• Өөрийгөө дэмжиж, амжилт гаргаж чадна гэдэгтээ итгээрэй. Сөрөг бодлууд гарч ирсэн ч тэдгээрийг хүлээн зөвшөөрч, эерэг тал руу нь өөрчлөхийг хичээгээрэй.

5. Шалгалтын дараахыг төсөөлөх

• Шалгалтын амжилттай дууссаны дараах тайван, амарсан байдлаа төсөөлөх нь шалгалтын өмнөх айдас, түгшүүрийг багасгах болно.

6. Хэт их ачаалал өгөхөөс зайлсхий

• Хэт их ачаалал авах нь сөрөг үр дүн авчирдаг тул өөрийгөө ядрахаас өмнө завсарлага авч, оюун санаагаа сэргээж байгаарай.

7. Эрүүл хооллолт

• Тархины үйл ажиллагааг дэмжих эрүүл хоол идэх нь сэтгэл зүйд эерэг нөлөөтэй. Витамин, уураг, нүүрс ус зэрэг тэжээллэг хүнс идэж, чихэрлэг, тослог хүнснээс зайлсхийхийг хичээгээрэй.

8. Нойроо хангалттай авах

• Шалгалтын өмнөх шөнө хангалттай сайн унтах нь таны ой тогтоолт, төвлөрөлтөд эерэг нөлөө үзүүлнэ. Хэтэрхий орой хүртэл хичээллэх нь эсрэгээрээ сөрөг нөлөөтэй байж болно.

9. Өөрийгөө шагнах

• Хийсэн ажлуудынхаа амжилтыг тэмдэглэж, өөртөө жижиг шагнал өгч байх нь мотивацыг нэмэгдүүлнэ.

Эдгээр зөвлөмжийг хэрэгжүүлснээр та шалгалтад илүү бэлтгэлтэй, сэтгэл зүйн хувьд тогтвортой оролцох боломжтой болох юм.