Шинэ төрлийн коронавируст халдварын тархалт дэгдэлтээс сэргийлж гэртээ ариутгал, халдваргүйжүүлэлтийг хэрхэн зөв хийх тухай мэдээллийг хүргэж байна.
Өрөөний агаарыг халдваргүйжүүлэх:
Өрөөндөө 10-15 минутын турш 2-3 удаа цэвэр агаарыг оруулах. Ингэхдээ салхины шууд урсгалд бага насны хүүхдийг байлгахгүй байх нь зохимжтой.
Өрөө тасалгаанд салхивч байдаггүй бол өдөрт хоёроос доошгүй удаа чийгтэй цэвэрлэгээ хийнэ.
Өдөр тутам чийгтэй цэвэрлэгээ хийх
Хивс болон дэвсгэрийг тоос сорогчоор соруулах. Мөн долоо хоногт 1-2 удаа салхинд гаргаж тавих
Өрөө тасалгааны цонхыг хоёр цаг тутам нээж агаар сэлгэх
Хүүхдийн тоглоомыг хоёр хувийн содын уусмалд угааж цэвэр усаар зайлж хатаах
Хүүхдийг нэрийн тэжээвэр амьтантай тоглуулахгүй байх
Хүн бүр гаднаас орж ирэх, бие зассаны дараа, хоол унд бэлтгэх болон бэлтгэсний дараа, идэхийн өмнө гарыг тогтмол савандаж угаах
Хоол хүнсийг бүрэн гүйцэт болгож хэрэглэх
Хоолны хэрэгсэл, аяга, таваг, халбага, сэрээг содын уусмалд угаах болон 30 минут буцалгах
Гэрийг гишүүд гадуур явахдаа амны хаалт хэрэглэх, гурван цаг тутамд солих, хэрэглэсэн амны хаалтыг зориулалтын тагтай саванд хаях, бээлий өмсөх, гар халдваргүйжүүлэх бодисыг тогтмол хэрэглэх
Угаалгын өрөөний тосгуур, суултуурыг 0,03 хувийн жавелионы уусмалаар арчих /10 л усанд 2 ширхэг жавелион хийж 0,03 хувийн халдваргүйжүүлэх уусмалыг бэлтгэх/
Ил задгай жорлон, цооног, бохир ус, хог хаягдалд гипохлорит кальци 400 гр/л байхаар тооцон хийж халдваргүйжүүлнэ.
Халдваргүйжүүлэлт хийхэд анхаарах зүйл:
Халдваргүйжүүлэлт хийж буй иргэн амны хаалт зүүж, ахуйн бээлий өмсөнө
Уусмал бэлтгэхдээ паалантай болон хуванцар таглаатай сав хэрэглэнэ
Халдваргүйжүүлэх уусмалаар шүршиж халдваргүйжүүлэлт хийсэн үед нэг цагийн дараа агаар оруулж, чийгтэй цэвэрлэгээг хийнэ
Цэвэрлэгээнд хэрэглэсэн алчуур, хувин багаж хэрэгслийг 0,03 хувийн халдваргүйжүүлэх уусмалд 30 минут байлгасны дараа цэвэр усаар сайтар зайлж хатаана Халдваргүйжүүлэлтэд хоёр өөр төрлийн бодисыг зэрэг хэрэглэж болохгүй
Халдваргүйжүүлэх уусмалыг өдөр бүр шинээр найруулж хэрэглэнэ
Өдөр тутмын цэвэрлэгээнд 0.06 хувийн жавелион, гурван хувийн ус төрөгчийн хэт ислийн уусмалыг хийнэ
Уусмалыг хаягжуулж, амыг нь таглан бага насны хүүхдийн хүрэх өнцгөөс хол байлгах хэрэгтэй.
