Монголын Эрчим хүч, Геологи, Уул уурхайн ҮЭ-ийн холбооноос Эрчим хүчний яамтай байгуулах хэлэлцээр, ажил хаялтын талаар мэдээлэл өглөө.

МЭХГУУ-н ҮЭ-ийн холбооны даргын үүргийг гүйцэтгэгч А.Дагвадорж "

Манай холбоо бүтэн зургаан цаг хэлэлцээ хийсний үр дүнд бидний тавьсан санал буюу ажилчдын цалинг 30 хувь нэмэх саналыг Эрчим хүчний яам хүлээж авлаа.

Өнөөдрөөс буюу долдугаар сарын 1-ний өдрөөс эхлээд нийт цалингийн санг 10 хувь, энэ оны аравдугаар сарын 1-ний өдрөөс эхлэн цалингийн санг дахин 5 хувь нэмэгдүүлэхээр тохиролцсон. Түүнчлэн 2027 оны долдугаар сарын 1-ний өдөр 10 хувь, 2027 оны аравдугаар сарын 1-нээс ахин 5 хувь өсгөх байдлаар үе шаттайгаар 30 хувь нэмэгдүүлнэ.

Цалингийн санг нэмэх, үндсэн цалинг нэмэх нь ялгаатай. Бид олон цагийн турш ярилцаж санал нэгдсэн. Цалингийн санг нэмснээр бүх хүний цалинг жигд нэмэхгүй. Угаасаа өндөр цалинтай, удирдах албан тушаалтай хүмүүсийн цалинг багаар нэмнэ. 

Эрчим хүчний салбарт Дулаан, цахилгаан үйлдвэрлэгчдийн холбоо гэж бий. Тэд мөн энэ хэлэлцээрт оролцож байгаа. Манай холбоо Эрчим хүчний яамны саналыг хүлээн авсан бол тус холбоо үндсэн цалинг хоёр үе шаттайгаар 15, 15 хувиар нэмэх байр сууриа илэрхийлж, бидний саналыг дэмжээгүй.

Одоо хэлэлцээрийг албажуулах шаардлагатай байна. Нийт 22 төлөөлөгч хэлэлцээрийг албажуулах ёстой. Гэвч нөгөө холбоо үндсэн хэлэлцээг үргэлжлүүлэхгүй, ямар нэгэн зорилгоор үйл явцыг гацааж байна" гэлээ.