Гэр бүл, хөдөлмөр, нийгмийн хамгааллын сайд Т.Аубакир Засгийн газрын хуралдаанаас гаргасан шийдвэрийн талаар мэдээлэл өглөө.
Тэрээр "Монгол Улсын Засгийн газар, Казахстан улсын Засгийн газар хоорондын хэлэлцээрийг УИХ-д өргөн мэдүүлж хэлэлцүүлэхээр шийдвэрлэлээ. Энэ нь тус улсад амьдарч буй Монгол Улсын иргэдийн нийгмийн асуудлыг шийдвэрлэх хэлэлцээр. Үүнийг УИХ соёрхон батлах л үлдээд байна.
Мөн Засгийн газраас цалин, тэтгэврийг нэмэхээр холбогдох сайд нарт үүрэг өглөө. Өргөн барьсан төсвийн төслийнхөө хүрээнд судалгаа хийж цалин, тэтгэвэр нэмэх асуудлыг шийдвэрлэнэ. Багш, эмч нарын цалин, тэтгэврийн нэмэгдэлд 830 орчим тэрбум төгрөг шаардлагатай. Бүх салбарын урсгал зардлаас татаж энэ мөнгийг гаргаж авах ёстой" гэв.
