УИХ-ын чуулганы хуралдаанаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг хэлэлцлээ. Уг хуулийн төслийн агуулга нь нийтээр тэмдэглэх баярын амралт нь амралтын өдөртэй давхацвал ажлын өдөр нөхөж амрах тухай юм.
Байнгын хорооны хуралдаанаар хуулийн төслийг хэлэлцэх үеэр зөвхөн Цагаан сар, наадмын амралт амралтын өдөртэй давхацсан тохиолдолд л ажлын өдөр нөхөж амардаг байх санал гаргасан юм. Гэвч чуулганы хуралдаанд оролцсон гишүүдийн олонх нь уг зарчмын зөрүүтэй саналыг дэмжсэнгүй. Улмаар хуулийн төслийг эцсийн хэлэлцүүлэгт бэлтгүүлэхээр Байнгын хороонд шилжүүллээ.
