МАН-ын Бага хурал өчигдөр болж УИХ-ын дарга Н.Учралыг Монгол Улсын 35 дахь Ерөнхий сайдад нэр дэвшүүлсэн. Түүнийг Бага хурлын гишүүдийн 99.7 хувийн саналаар Засгийн газрын тэргүүнд нэр дэвшүүлсэн юм. Үүнтэй холбогдуулан түүнийг УИХ-ын даргын албан тушаалаас нь чөлөөлөх асуудлыг Төрийн байгуулалтын байнгын хорооны хуралдаанаар хэлэлцлээ. 

Төрийн байгуулалтын байнгын хорооны хуралдаанд оролцсон 20 гишүүн 100 хувийн саналаар Н.Учралыг УИХ-ын даргын албан тушаалаас нь чөлөөлөхийг дэмжив. 

Одоо чуулганыг нэгдсэн хуралдааныг зохион байгуулж УИХ-ын дарга Н.Учралыг албан тушаалаас нь чөлөөлөх асуудлыг хэлэлцэнэ.

УИХ-ын дараагийн даргад УИХ-ын гишүүн С.Бямбацогт, С.Амарсайхан, Ж.Бат-Эрдэнэ, Ж.Энхбаяр, Б.Жавхлан нарын нэгийг нэр дэвшүүлнэ гэсэн мэдээлэл гараад байгаа юм.