"Милан Кортина 2026" Өвлийн паралимпын наадмын уулын цанын тэмцээн жиант слаломын төрлөөр өнөөдөр үргэлжилж байна. Манай улсаас уулын цанын төрлөөр Б.Цэрэнпунцаг оролцож байгаа билээ. Тэрээр өнөөдөр жиант слаломын эрэгтэйчүүдийн босоо төрөлд өрсөлдлөө. Энэ төрөлд нийт 44 тамирчин оролцсоноос Б.Цэрэнпунцаг 33-р байр эзэллээ. Манай тамирчин нөгөөдөр слалом төрөлд өрсөлдөнө.
Пара гүйлтийн цанын тамирчин Б.Ганболд, Ц.Дашдорж нарын сүүлийн уралдаан хаалтын өдөр буюу гуравдугаар сарын 15-д болно. Манай цаначид 20 км зайд уралдана.
"Милан Кортина 2026" Өвлийн паралимпын наадмыг БНХАУ-ын баг 10 алт, 7 мөнгө, 10 хүрэл медальтайгаар тэргүүлж байгаа бол АНУ /7+5+4/, Австри /5+1+4/, ОХУ/4+1+2/-ын баг удаалж эхэллээ. Наадмын зохион байгуулагч Италийн баг гурван алтан медальтай болсон бол Канад, БНСУ, Беларусын баг нэг алтан медальтайгаар 17-18-р байрт жагсаж байна. 56 орноос 26 орон ямар нэгэн медаль хүртжээ. Паралимпын наадам өндөрлөхөд хоёр өдрийн тэмцээн уралдаан үлдлээ.
