2026 оны ДАШТ-ий шөвгийн 16-гийн хасагдах шатны үндсэн болон нэмэлт цагт Швейцар, Колумбын багууд гоол оруулж чадалгүй тэнцсэн тул торгуулийн цохилтоор ялагчийг тодрууллаа. Швейцарын шигшээ торгуулийн цохилтод 4-3 харьцаагаар Колумбыг хожсоноор шөвгийн 8-д дэлхийн аварга Аргентины багтай тулахаар боллоо. Хоёр баг хоёулаа пеналти алдсан ч Швейцарын хаалгач Грегор Кобель Колумбын тоглогч Кучо Эрнандесийн цохилтыг гайхалтай хааж, улмаар Рубен Варгас шийдвэрлэх гоолыг оруулснаар Швейцар ялалт байгуулав.

Энэхүү тоглолт нь Канадын Ванкувер хотод  зохион байгуулагдсан ДАШТ-ий сүүлчийн тоглолт байв.

Швейцарын шигшээ баг ирэх бямба гарагт Канзас-Сити хотод Аргентины багтай тоглоно. Лионель Месси тэргүүтэй Аргентины шигшээ баг өмнө нь Атланта хотод Египетийн багийг 3-2 харьцаагаар буулган авсан юм.

Швейцар хамгийн сүүлд 1954 онд нутаг дээрээ зохиогдсон ДАШТ-ээр шөвгийн 8-д шалгарч байжээ.