УИХ-ын гишүүн Ө.Шижир Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өглөө. 

Тэрээр энэ талаар "Ардчилсан намын даргын сонгуульд нэр дэвших хүсэлтээ албан ёсоор өглөө. Манай нам өнөөдөр өөрийн намын байргүй байна. Албан ёсны генсекгүй таван жил болсон. Тиймээс эхлээд дүрмээ, дараа нь даргаа яръя гэсэн байр суурийг өнгөрсөн хугацаанд илэрхийлсэн. Манай нам их хурлаа хийхдээ намын даргад нэр дэвших хүмүүсээ мөнгөө хувааж өг гэсэн асуудлыг сая ярьж байна. Сүүлийн 15 жил ийм байсан. Тиймээс Ардчилсан намд өөрчлөлт, шинэчлэл хэрэгтэй. 

Дундговь аймгийн Сайнцагаан суманд байгаа намын гишүүн саналаа хэлдэг байх хэрэгтэй. 100 гаруй хүн асуудал хэлэлцээд, дүрэм ярьдаг байж болохгүй. Намын үндсэн дүрэм хэлэлцэхэд 100 хүрэхгүй хүн байсан. Тиймээс байгаа байдлыг шинэ нөхцөл авчрах хэрэгтэй. Тиймээс би намын даргад нэр дэвшиж байна" гэв.