УИХ-ын чуулганы хуралдаанаар “Алт-3” аяныг хэрэгжүүлэх зарим арга хэмжээний тухай тогтоолд хэсэгчлэн тавьсан Ерөнхийлөгчийн хоригийг үргэлжлүүлэн хэлэлцлээ. Чуулганы өчигдрийн нэгдсэн хуралдаанаар хоригийн талаарх Байнгын хороодын санал, дүгнэлттэй танилцаж, гишүүд асуулт асууж, хариулт авсан. Иймд Төсвийн байнгын хорооны дэмжсэн, дэмжээгүй саналаар санал хураалтыг явуулав. Ерөнхийлөгчийн хоригийг хүлээн авах нь зүйтэй гэсэн Төсвийн байнгын хорооны томьёоллоор санал хураахад, хуралдаанд оролцсон гишүүдийн 64 хувь нь дэмжлээ.
Мөн Ерөнхийлөгчийн хоригийг хүлээн авах боломжгүй гэснийг дэмжье гэдэг Хууль зүйн байнгын хорооны саналын томьёоллоор санал хураалт явуулахад, хуралдаанд оролцсон гишүүдийн 75 хувь нь дэмжив. Ингэснээр УИХ Ерөнхийлөгчийн хоригийг хүлээн авлаа.
