Ерөнхий спонсорын хамтын ажиллагааны хүрээнд Burger King Mongolia болон ММарт нь Дархан Юнайтэд багийн 2026–2027 оны Үндэсний дээд лигийн улирлын үйл ажиллагааг дэмжихийн зэрэгцээ сагсан бөмбөгийн спортыг олон нийтэд түгээн дэлгэрүүлэх, залуу үеийн спортын оролцоог нэмэгдүүлэх, багийн ажиллагаа болон эерэг үнэт зүйлсийг сурталчлах чиглэлээр хамтарсан төсөл, идэвхжүүлэлтүүдийг хэрэгжүүлэхээр төлөвлөж байна.
Маск Центер ХХК-ийн Гүйцэтгэх захирал Ц. Мишээл, Макс хүнс ХХК- ийн Гүйцэтгэх захирал С. Отгонжаргал
“Спорт бол нэгдмэл сэтгэл, тэсвэр тэвчээр, багийн ажиллагааны бэлгэдэл. Бид залуу үеийг спортоор дамжуулан урамшуулах, хамтдаа хөгжих боломжийг бий болгоход энэхүү түншлэл чухал алхам болно гэж үзэж байна.”
Дархан Юнайтэд багийн үүсгэн байгуулагч, ТУЗ-ийн дарга М. Цолмон:
“Энэхүү түншлэл нь Дархан Юнайтэд багийн хувьд төдийгүй Монголын сагсан бөмбөгийн хөгжилд чухал дэмжлэг болж байна. Спортын үнэ цэн, багийн ажиллагаа, залуу тоглогчдын хөгжлийг дэмжих чиглэлд Burger King Mongolia болон үндэсний сүлжээ ММарттай хамтран ажиллах болсондоо баяртай байна.”
Хамтын ажиллагааны хүрээнд нийгмийн хариуцлага, залуучуудын хөгжил, спортын боловсрол, олон нийтийн оролцоог нэмэгдүүлэх чиглэлийн санаачилгуудыг үе шаттайгаар хэрэгжүүлэх юм.
Ийнхүү Burger King Mongolia, ММарт болон Дархан Юнайтэд баг хамтдаа спортын үнэ цэн, багийн ажиллагаа, залуу үеийн оролцоог дэмжих шинэ хамтын ажиллагааны эхлэлийг тавьж байна.
