Жулиан Нагельсманн Германы хөлбөмбөгийн шигшээ багийн ахлах дасгалжуулагчийн албан тушаалаасаа огцрохоор шийджээ. Сэтгүүлч Фабрицио Романо энэ талаар X нийгмийн сүлжээгээр мэдээллээ.
Германы баг Дэлхийн аварга шалгаруулах тэмцээний 1/32-ын шатанд Парагвайд хожигдсон юм. Тоглолт үндсэн болон нэмэлт цагийн дараа 1:1-ийн харьцаатай тэнцээгээр өндөрлөсөн ч парагвайчууд торгуулийн цохилтод 4:3-ийн харьцаатайгаар ялалт байгуулсан.
Sky Sport Deutschland-ийн мэдээлснээр, Юрген Клопп Германы шигшээ багийн ахлах дасгалжуулагчийн албан тушаалд томилогдох магадлал өндөр. Клопп 2024 онд Ливерпүүлийн менежерийн албан тушаалаас чөлөөлөгдсөн юм.
38 настай Нагельсманн 2023 оны 9-р сард Германы шигшээ багийн менежерээр ажиллаж эхэлсэн. Түүний удирдлага дор баг 2024 оны Европын аварга шалгаруулах тэмцээний шөвгийн наймд шалгарч байв. Өмнө нь тэрээр Германы Бавари Мюнхен, Лейпциг, Хоффенхайм клубуудад ахлах дасгалжуулагчаар ажиллаж байсан аж.
