Аж үйлдвэрийн салбарын нийт үйлдвэрлэл 2025 оны эхний есдүгээр сарын урьдчилсан гүйцэтгэлээр 30.7 их наяд төгрөг болж, өмнөх оны мөн үеэс 1.2 их наяд төгрөгөөр буурчээ. Үүнд уул уурхай олборлолт 2.1 их наяд төгрөгөөр буурсан нь голлон нөлөөлсөн байна. 

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний есдүгээр сарын урьдчилсан гүйцэтгэлээр 22.7 их наяд төгрөг болж буурахад чулуун болон хүрэн нүүрс олборлолт 5.0 (32.3%) их наяд төгрөг, газрын тос олборлолт 113.9 (13.3%) тэрбум төгрөгөөр тус тус буурсан нь голлон нөлөөлжээ.

Уул уурхай, олборлох аж үйлдвэрийн салбарт хүрэн нүүрс, төмрийн хүдрийн баяжмал, хайлуур жонш, цайрын баяжмал, зэсийн баяжмал металл агуулгаараа, төмрийн хүдэр, хайлуур жоншны баяжмалын биет хэмжээ өмнөх оны мөн үеэс 5.9 – 70.4 хувиар өссөн байна. Харин чулуун нүүрс, цэвэршүүлээгүй алт, газрын тос, мөнгөний баяжмал 6.8 – 36.3 хувиар буурсан талаар Үндэстний статистикийн хорооноос мэдээллээ.