УИХ-ын Ёс зүйн дэд хороо өнөөдөр хуралдлаа. Хуралдааны үеэр тус дэд хорооны дарга Б.Баярбаатар "УИХ-ын гишүүн чуулганы танхимд хэлсэн үг, өгсөн саналынхаа төлөө хариуцлага хүлээхгүй гэсэн хуультай. Сүүлийн үед эмэгтэйчүүдээс илүүтэйгээр эрчүүд Ёс зүйн дэд хороонд санал гомдол өгч байгаа. Хувь хүний хоорондын харилцаанаас үүдэлтэй байх.
УИХ-ын гишүүд нэг нэгэндээ хүндэтгэлтэй хандах ёстой. Мэтгэлцэх зарчим, үг хэл, үзэл бодол зөрчилдөх асуудал байж болно. Харин доромж үг хэрэглэх нь ёс зүйд нийцэхгүй.
Сүүлийн үед УИХ-д нэгнээ муу муухайгаар хэлэх, элдэв гэмт хэрэгт гүтгэх нь энгийн үзэгдэл мэт боллоо" гэв.
