Боловсролын сайд Л.Энх-Амгалан Засгийн газрын хуралдаанаас гарсан шийдвэрийг танилцууллаа.
Тэрээр "Одоогийн байдлаар ерөнхий боловсролын сургуульд нэг компьютерын ард 12 орчим хүүхэд байна. Тиймээс "Нэг хүүхэд-нэг компьютер, нэг анги-нэг ухаалаг самбар" хөтөлбөр хэрэгжүүлнэ. Энэ хүрээнд нэг хүүхдэд нэг AI багш, нэг багшийг нэг AI туслахтай болгоно. Уг хөтөлбөрийг ирэх есдүгээр сарын 1-нээс хэрэгжүүлнэ. Эхний ээлжид монгол хэл, математикийн хичээлд хиймэл оюун ухааны багш, туслахыг нэвтрүүлнэ. Ингэснээр хүүхэд бүрийн мэдлэгийн хоцрогдлыг арилгана" гэв.
Эхний ээлжид 300 мянган компьютер нийлүүлнэ. Энэ хүрээнд ирэх есдүгээр сар гэхэд 100 мянган хромбүүк, 5000 ухаалаг самбар, 2027 оны хоёрдугаар сард 100 мянган хромбүүк, 5000 ухаалаг самбар, 2027 оны есдүгээр сарын 1-ээс 2028 оны есдүгээр сарын 1-нд 100 мянган хромбүүк, 550 мянган ухаалаг самбар нийлүүлэгдэх ажлыг зохион байгуулна. Энэ ажил төсвийн хөрөнгөөр хийгдэхгүй. Хөгжлийн банкны дор ажиллаж байгаа "Санхүүгийн лизинг" компаниа "Google" компанитай гэрээ хийж компьютер буюу хромбүүк худалдан авч таван жилийн хугацаанд төлбөрийг төлж дуусна. Нийт төсөв нь 300-350 тэрбум төгрөг болно" гэв.
