Аж үйлдвэрийн салбарын нийт үйлдвэрлэл 2026 оны нэгдүгээр сарын урьдчилсан гүйцэтгэлээр 5.4 их наяд төгрөгт хүрч, өмнөх оны мөн үеэс 1.9 их наяд төгрөгөөр буюу 55.0 хувиар өссөн байна.

Энэхүү өсөлтөд уул уурхай, олборлох аж үйлдвэрийн салбар 1.8 их наяд төгрөгөөр, цахилгаан, хий, уур, агааржуулалтын салбар 95.3 тэрбум төгрөгөөр өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2026 оны нэгдүгээр сарын урьдчилсан гүйцэтгэлээр 4.4 их наяд төгрөг болж өсөхөд металлын хүдэр олборлолтын салбар 1.4 их наяд төгрөгөөр, чулуун болон хүрэн нүүрс олборлолтын салбар 396.4 тэрбум төгрөгөөр тус тус нэмэгдсэн нь голлон нөлөөлсөн байна.

Уул уурхай, олборлох аж үйлдвэрийн салбарт төмрийн хүдрийн баяжмал, зэсийн баяжмал, чулуун нүүрс, төмрийн хүдрийн биет хэмжээ өмнөх оны мөн үеэс 3.5 хувиас 2.3 дахин өсжээ. Харин цэвэршүүлээгүй алт, газрын тос, хайлуур жонш, хүрэн нүүрс, хайлуур жоншны баяжмал, мөнгөний баяжмал, цайрын баяжмалын үйлдвэрлэл 2.5–89.1 хувиар буурсан байна.

Боловсруулах аж үйлдвэрийн салбарт ус, ундаа, жүүс, металл бэлдэц, шохой, ноолууран сүлжмэл эдлэл, самнасан ноолуур, цемент зэрэг гол нэр төрлийн бүтээгдэхүүний үйлдвэрлэлийн биет хэмжээ өмнөх оны мөн үеэс 1.8 хувиас 4.2 дахин өссөн байна. Харин цагаан архи, шингэн сүү, гурил, цэвэр спирт, катодын зэс, янжуур тамхи, малын мах зэрэг бүтээгдэхүүний үйлдвэрлэл 1.5-60.4 хувиар буурсан талаар Үндэсний статискийн хорооноос мэдээллээ.