Өмнөд Солонгосын Хууль зүйн сайд асан Парк Сун Жэд 25 жилийн хорих ял оноолоо. Шүүх түүнийг Ерөнхийлөгч асан Юн Сок Ёль цэргийн онц байдал зарлахад оролцож, төрийн эргэлтийн шинжтэй ажиллагаанд чухал үүрэг гүйцэтгэсэн гэж үзсэн байна.
Сөүл хотын шүүх уг шийдвэрийг гаргахдаа прокурорын тусгай мөрдөн шалгах багийн хүссэн 20 жилийн ялаас ч илүү хүнд буюу 25 жилийн хорих ял оноожээ.
Мөн шүүх нотлох баримтыг устгах эрсдэлтэй гэж үзэн Пак Сун Жэг шүүхийн танхимаас шууд цагдан хорих шийдвэр гаргасан байна.
Тусгай прокурор Чо Юн Сукийн багийн мэдээлснээр Пак:
Түүнийг 2024 оны арванхоёрдугаар сарын 3-нд Юн Сок Ёл цэргийн онц байдал зарласны дараа Хууль зүйн яамны өндөр албан тушаалтнуудын уулзалтыг зохион байгуулсан гэж үзжээ.
Шүүхийн тогтоолд дурдсанаар тэр уулзалтаар:
Шүүхийн шийдвэрт "Яллагдагч бослого амжилттай хэрэгжинэ гэж үзсэн мөчөөс эхлэн Үндсэн хуулийг хамгаалах үүргээсээ нүүр буруулж, харин ч бослогод оролцохыг сонгосон" хэмээн дурдсан байна.
Пак Сун Жэ нь Юн Сок Ёлын Засгийн газрын төрийн эргэлттэй холбоотой хэрэгт буруутгагдан ял шийтгүүлсэн өндөр албан тушаалтнуудын нэг болж байна. Харин Юн Сок Ёл өөрөө 2026 оны хоёрдугаар сард төрийн эргэлт удирдсан хэрэгт буруутгагдан бүх насаар нь хорих ял сонссон ч давж заалдаад байгаа юм.
Шүүх Пак Сун Жэд холбогдох авлигын эсрэг хууль зөрчсөн нэмэлт хэргийг хэрэгсэхгүй болгосон байна. Учир нь уг асуудал тусгай прокурорын мөрдөн шалгах эрх хэмжээний хүрээнд хамаарахгүй гэж үзжээ.
Гэхдээ прокурорууд түүнийг 2024 оны тавдугаар сард тэр үеийн тэргүүн хатагтай Ким Кеон Хигийн хүсэлтээр өөрт нь холбоотой авлигын мөрдөн шалгалтын мэдээллийг цуглуулах чиглэлээр доод албан тушаалтнууддаа зохисгүй үүрэг өгсөн гэж мөн буруутгаж байсан байна.
Энэхүү шийдвэр нь Юн Сок Ёлын 2024 оны цэргийн онц байдал зарлах оролдлоготой холбоотойгоор өндөр түвшний албан тушаалтнуудад оноосон хамгийн хүнд ялуудын нэг болж байна. Шүүхийн үзэж буйгаар Пак Сун Жэ зөвхөн тушаал биелүүлээгүй, харин төрийн байгууллагуудыг онц байдлын төлөвлөгөөнд дайчлахад идэвхтэй оролцсон нь тогтоогджээ.
