Монголын сагсан бөмбөгийн холбооноос энэ онд 3х3 төрлөөр олон улсын тэмцээнд оролцох багуудыг сонгох цуврал тэмцээнийг зохион байгуулсаар байна. Шилдэг багууд оролцсон “The League Quest 1” тэмцээн хоёр хоног үргэлжилж Шанхайд өрсөлдөх багууд тодорлоо.
Эрэгтэй багуудаас “Ulaanbaatar East” болон “Ulaanbaatar West” багууд финалд шалгарсан. Энэ тоглолтод 22-15-аар “Ulaanbaatar East” баг ялалт байгуулснаар эх орноо төлөөлөн өрсөлдөхөөр боллоо.
Мөн эмэгтэй багуудаас “Mongolia” баг финалд төвөггүйхэн ялалтыг авч мөн Шанхайг зорихоор болов. Тэдний өрсөлдөгч “Bayangol Amazons” байсан ч тоглолт 21-5 онооны давуу байдлаар өндөрлөсөн.
Олон улсын сагсан бөмбөгийн холбооноос зохион байгуулж буй Шанхайн “FIBA 3x3 World Tour” тэмцээн тавдугаар сарын 23-24-ны өдрүүдэд болно.
