УИХ дахь МАН-ын бүлэг өнөөдөр ээлжит хуралдаанаа хийлээ. Хурлын дараа бүлгийн дарга Ж.Бат-Эрдэнэ мэдээлэл өглөө.
Тэрээр "МАН-д хоёр бүлгийн дарга гэж байхгүй. Нэг л дарга бий. Бүлгийнхээ нэлээд хэдэн гишүүдтэй уулзсан. Нөхцөл байдлын талаар, цаашдаа яаж ажиллах тухайгаа ярилцсан.
УИХ-ын даргын дэргэдэх зөвлөл хуралдаж Ерөнхийлөгчийн хоригийг парламентаар хэлэлцэх асуудлын дараалалд оруулна. Хориг цаг хугацаанд нь хэлэлцэнэ.
Ерөнхий сайд Цэцэд хандсан тохиолдолд шууд маргаан үүсгээд Их суудлаа хуралдуулдаг юм байна. Ирэх гурав дахь өдөр хуралдахаар болж байна.
Намын дарга Д.Амарбаясгалан, ерөнхий нарийн бичгийн дарга Я.Содбаатар нар нөхцөл байдлыг хараад зүгээр суугаагүй. Тодорхой хэмжээнд уулзаж ярилцаж байгаа.
Манай намын бүлэг 2026 оны төсвийг цааш нь үргэлжлүүлээд хэлэлцээд явна. УИХ-аас төсвийн ажлын хэсэг байгуулна. Цаг хугацааны хувьд оройтоод байгаа асуудал байхгүй" гэв.
