СОР17 хурал өнөөдөр дөрөв дэх өдрөө үргэлжилж байна.
Өнөөдөр COP17-ын хэлэлцүүлгээр конвенцын хэрэгжилт, шороон болон элсэн шуурга (SDS), бэлчээрийн гол асуудлуудыг авч хэлэлцэнэ. Мөн залуу хэлэлцээчдийн академийн хэвлэлийн бага хурал болж, хувь хүнээс орон нутаг, үндэсний түвшинд болон дэлхий дахинд залуу хэлэлцээч болсноор өргөн хүрээнд бүрдэх үр нөлөөний талаар мэдээлнэ.
Залуу хэлэлцээчид COP17-д хэрхэн нөлөөлж буй талаар Залуу хэлэлцээчдийн академийн хэвлэлийн бага хурал 14.00 цагт болно. Газрын асуудлаарх залуу хэлэлцээчдийн хөтөлбөр (LYNP)-т Монгол Улс хэрхэн төлөөлөлтэй оролцож байгаа болон үндэсний төлөөлөгчдийн бүрэлдэхүүн дэх залуусын дуу хоолойг сонсох боломжтой. Дараа нь RestorLife Awards болон 17th Greenstorm Photo Festival-ийн шагнал гардуулах ёслол болно.
Ёслолын Нетворкинг ба хүлээн авалт 18:15–21:00 цагийн хооронд болох бол албан ёсны арга хэмжээ 19:00 цагт Action Dome-д эхэлнэ.
UNCCD, G20-ын Дэлхийн газрын санаачилга, Restor болон Greenstorm Photo Festival хамтран зохион байгуулах RestorLife Awards болон 17th Greenstorm Photo Festival-ийн шагнал гардуулах ёслол болно.
“Бэлчээр ба нүүдлийн мал аж ахуй эрхлэгчдийн олон улсын жил” (IYRP)-ийн хүрээнд зохион байгуулах энэ ёслол нь орон нутгийн иргэдийн оролцоотойгоор хэрэгжүүлсэн газрын нөхөн сэргээлтийн төслүүдийг алдаршуулж, эрсдэлээс хамгаалах, амжилттай даван туулсан жишээг харуулж, нутгийн иргэдийн тэсвэрлэх чадварыг онцолсон олон улсын гэрэл зургуудыг толилуулна.
RestorLife Awards болон бэлчээр, шим тэжээлтэй газрын сэдэвт 17th Greenstorm Photography Festival-ийн нийт найман ялагчийг газрын нөхөн сэргээлтэд оруулсан онцгой хувь нэмэр, эмзэг экосистемийн тухай өгүүлэмж бүтээснийх нь төлөө шагнана.
Илтгэгчид:
Дагалдах арга хэмжээнүүд: Өдрийн турш зохион байгуулагдах дагалдах арга хэмжээнүүдээр бэлчээр ба нүүдлийн мал аж ахуй, санхүүжилт, ганг тэсвэрлэх чадвар, газар эзэмшил, хөрсний эрүүл мэнд болон газар, усны уялдаа холбооны асуудлыг хэлэлцэнэ.
Энэ долоо хоногт болох үйл ажиллагаанууд
COP17 дахь үр нөлөө, бодит туршлагыг харуулсан цахим түүхүүд (Digital Impact Stories) маргааш буюу 8 дугаар сарын 21, Баасан гарагт 17:30–18:30 Action Dome-д болно.
Цөлжилттэй тэмцэх тухай НҮБ-ын конвенцын (UNCCD) Гүйцэтгэх нарийн бичгийн дарга доктор Ясмин Фуад UNCCD COP17-ын үеэр газрын нөхөн сэргээлтийн амжилттай туршлагыг харуулсан 12 мультимедиа түүхийг албан ёсоор танилцуулна. G20-ийн Дэлхийн газрын санаачилгын дэмжлэгтэй энэхүү цахим багц нь Африк, Америк, Ази, Ойрх Дорнодын байгаль орчны сорилт, газрын доройтол, гантай тэмцэхэд өндөр үр нөлөө үзүүлж, өргөн хүрээнд хэрэгжүүлэх боломжтой шийдлүүдийг танилцуулна.
Энэхүү цуглуулгад Justdiggit, Instituto Terra, Inga Foundation, Treedom for Palestine зэрэг газрын нөхөн сэргээлтийн томоохон санаачилгуудыг танилцуулна. Мөн Youth Ecopreneurs (YECO) хөтөлбөрийн залуу эко бизнес эрхлэгчдийн зах зээлд суурилсан шинэлэг шийдлүүдийг онцолжээ. Тэдний гарааны бизнесүүд байгаль орчны асуудлыг шийдвэрлэх тогтвортой шийдлийн эрэлт хэрэгцээнд нийцсэн бүтээгдэхүүн, үйлчилгээг хөгжүүлж байна.
COP17-ын үеэр доктор Фуад дэлхийн удирдагчид, залуу эко бизнес эрхлэгчид болон хөтөлбөрийн түншүүдтэй хамтран дэлхийн уур амьсгалын өөрчлөлтийг тэсвэрлэх чадварыг бэхжүүлэх олон талт хамтын ажиллагааг тогтвортой үргэлжлүүлэхэд газрын тогтвортой менежмент ямар үүрэгтэй талаар хэлэлцэнэ.
COP17-ын сэдэвчилсэн өдрүүд
Бага хурлын хоёр дахь долоо хоногт зохион байгуулагдах дөрвөн сэдэвчилсэн өдөр нь албан ёсны хэлэлцээг дээд түвшний яриа хэлэлцээ болон бодит үйл ажиллагаатай уялдуулна:Санхүүгийн өдөр – 8 дугаар сарын 24: Газрын нөхөн сэргээлт болон ганг тэсвэрлэх чадварыг бэхжүүлэхэд төрийн болон хувийн хэвшлийн хөрөнгө оруулалтыг дайчлах.Усны өдөр – 8 дугаар сарын 25: Ганг тэсвэрлэх чадварыг бэхжүүлж, газар, усны уялдаа холбооны чиглэлээр хамтын ажиллагааг өргөжүүлэх.Газар ба хүн төвт өдөр – 8 дугаар сарын 26: Газрыг нөхөн сэргээх, тогтвортой удирдахад малчид, уугуул иргэд, орон нутгийн иргэд, эмэгтэйчүүд, залуучуудын гүйцэтгэх үүргийг онцлох.Хүнсний тогтолцоо ба хөрсний эрүүл мэндийн өдөр – 8 дугаар сарын 27: Хүнсний аюулгүй байдал болон амьжиргааны тэсвэрлэх чадварыг бэхжүүлэхийн тулд эрүүл хөрс, тогтвортой хүнсний тогтолцоог дэмжих
Танилцуулах тайлангууд
8 дугаар сарын 21: Дэлхийн газрын нөхөн сэргээлтийн ололт амжилт 2026 тайлангийн нээлт
8 дугаар сарын 21: Үр нөлөө, бодит туршлагыг харуулсан цахим түүхүүд (Digital Impact Stories)
8 дугаар сарын 24: Бэлчээрийн нөхөн сэргээлтийн эдийн засаг
8 дугаар сарын 25: Хуурайшиж буй дэлхий: Цөлжилт тоон үзүүлэлтээр 2026
8 дугаар сарын 26: Жижиг арлын хөгжиж буй орнуудын Дэлхийн газрын төлөв байдлын тайлан
8 дугаар сарын 26: Төв Азийн Дэлхийн газрын төлөв байдлын сэдэвчилсэн тайлан
8 дугаар сарын 27: Хөрсний эрүүл мэнд: Бидний суурь болсон хөрсөнд хөрөнгө оруулах бизнесийн үндэслэл тайланг тус тус танилцуулна.
