Өнөөдрийн байдлаар нийслэлийн долоон дүүргийн 425 цэгээр хагас коксон түлш борлуулж байгаа бөгөөд 28569 тонн түлшний нөөцтэй байгааг Тавантолгой түлш ХХК-ийн албаны дарга Г.Даваабаатар мэдээллээ.
Тэрээр "Түлш тасалдсан гэх ойлголт байхгүй. Борлуулалтын цэг дээрх түлш тухайн өдрөө дууссан байж болзошгүй. Өнөөдрийн байдлаар долоон дүүргийн хэмжээнд 425 борлуулалтын цэг ажиллаж байна. Дээрх цэгүүдээс 2400 тонн түлшний захиалга ирсэн байна. Захиалга өдөр бүхэн хүргэгдэж байна. 1-2 цаг хоцрох тохиолдол бий. Түлш борлуулах цэгт нь түлш дууссан үед нь оччихоод тасалдаа гэсэн асуудал ярьж байж магадгүй. Түүнээс түлш тасалсан асуудал байхгүй. Компанийн хэмжээнд өнөөдрийн байдлаар 28569 тонн түлшний нөөцтэй байна. Мөн БНХАУ-аас өдөр бүхэн түлш татаж байна" гэв.
