Нийслэлийн Засаг даргын захирамжийн дагуу скүүтэр, мопед, цахилгаан дугуйг энэ сарын 10-наас эхлэн замын хөдөлгөөнд оролцуулна.
Уг шийдвэрийн хүрээнд насанд хүрээгүй иргэдэд эдгээр тээврийн хэрэгслийг унахыг хориглосон байна. Мөн иргэд скүүтэр, мопед, цахилгаан дугуй унахдаа “И-Монголиа” системээр дамжуулан баталгаажуулалт хийх шаардлагатай.
Түүнчлэн явган хүний замаар дээрх тээврийн хэрэгслээр зорчсон тохиолдолд торгууль ногдуулах бөгөөд насанд хүрээгүй иргэн унасан бол эцэг, эхийг нь 400 мянган төгрөгөөр торгох зохицуулалт хэрэгжиж эхэлнэ.
Энэхүү журмын хэрэгжилтэд Тээврийн цагдаагийн алба хяналт тавин ажиллах аж.
