Венесуэлийн газар хөдлөлтийн голомтод ажиллаж буй Йордан улсын аврагчид нуранги дороос гурван настай хүүг эсэн мэнд гаргаж авлаа. Байгалийн гамшгийн дараах эхний 72 цагт л хүн амьд үлдэх боломжтой гэж үздэг ч хүү ийнхүү 6 хоногийн 144 цаг тэсэж чадсан нь жинхэнэ гайхамшигт тооцогдож байна. Хүүд газар дээр нь анхны тусламж үзүүлсний дараа эмнэлэгт хүргэсэн бөгөөд биеийн байдал, амин үзүүлэлтүүд нь тогтвортой байгаа аж.
Венесуэлийн ерөнхийлөгчийн үүрэг гүйцэтгэгч Делси Родригес хүүг "Klieber Morán буюу ховор тохиол" гэж нэрлэн энэхүү аврах ажиллагаа нь газар хөдлөлтийн дараах хүнд хэцүү үеийг даван туулах итгэл найдвар асаалаа хэмээн сайшаасан байна.
Дараалсан газар хөдлөлтийн улмаас амиа алдагсдын тоо 1943-т хүрч, 10 000 гаруй хүн бэртэж гэмтээд байна. Сураггүй алга болсонд тооцогдож буй олон арван мянган хүнийг нуранги дороос эрэн хайх, аврах ажиллагаа өдөр шөнөгүй үргэлжилж байна. НАСА-гийн хиймэл дагуулын зураглалаар газар хөдлөлтийн бүсэд 58 870 орчим барилга байгууламж сүйджээ.
