УИХ дахь МАН-ын бүлгийн хурлаар өнгөрсөн долоо хоногт УИХ дээр Гадаад зээллэгийн ашиглалт, үр ашгийг нэмэгдүүлэх тухай хуулийн төсөл унаж, хууль санаачлагчид нь буцаасантай холбоотойгоор гадаадын зээлийн ашиглалтыг асуудлыг хэлэлцжээ.

Өнөөдрийн байдлаар манай улс гадаадын зээлээр 74 төсөл хэрэгжүүлж байгаа ажээ. Үүнд авч ашиглаж чадаагүй 13.8 их наяд төгрөг байгаа юм. Энэ мөнгөний 38 хувь нь Эгийн голын усан цахилгаан станц, Газрын тос боловсруулах үйлдвэрийн төслийн зээл юм. МАН-ын бүлгээс гадаад зээлийнхээ эрэмбэ дарааг тогтоож, зээлийн хөрөнгө ашиглалтыг хурдасгах эрх зүйн гаргалгаа хийсэн судалгаа тооцоолол хийж танилцуулахыг Засгийн газарт чиглэл болгожээ.