Сэлэнгэ аймгийн Хүдэр сумын Тарвагатай багийн нутаг "Шоргоолж" гэдэг газарт өчигдөр буюу энэ сарын 23-ны өдрийн 13:20 цагт ой хээрийн түймрийн дуудлага иржээ.
Дуудлагын дагуу тус аймгийн Онцгой байдлын газрын эрэн хайх, аврах салбарын алба хаагчид ажиллаж байгаа аж.
Түүнчлэн орон нутгаас мэргэжлийн ангийнхан очиход, сумын мод бэлтгэлийн нийт 18 хүн, 3 автомашинтай, 2 трактортай унтраах ажиллагааг зохион байгуулж, 22:26 цагт цурамд оруулж, цэвэрлэгээ хийж, бүрэн унтраахаар ажиллаж байна. Урьдчилсан байдлаар 6 га орчим газар шатжээ.Тухайн түймэр аймгийн төвөөс зүүн урд 190 км, салбарын байрлалаас зүүн урд зүгт 30 км зайд гарсан байна.
