Газрын тосны үнэ өнөөдөр 3 гаруй хувиар өсөж, Брент төрлийн газрын тосны фьючерсийн үнэ 3.21 ам.доллар буюу 3.1 хувиар нэмэгдэн, баррель нь 107.82 ам.долларт хүрлээ.

АНУ-ын West Texas Intermediate (WTI) төрлийн газрын тосны үнэ мөн 3.17 ам.доллар буюу 3.2 хувиар өсөж, баррель нь 103.22 ам.доллар болсон байна.

Саудын Араб руу Хуситууд шинэ халдлага үйлдэж, Персийн буланд хөлөг онгоцнууд халдлагад өртсөнтэй холбоотойгоор нийлүүлэлт тасалдах эрсдэлийн болгоомжлол нэмэгдсэн нь үнийн өсөлтийг даамжруулжээ.

Үүний зэрэгцээ нисгэгчгүй онгоцны халдлагын дараа Саудын Арабын Зүүн-Барууны газрын тос дамжуулах хоолойг түр хаасан нь нийлүүлэлтийн эрсдэлийг улам нэмэгдүүлэв.

Ормузын хоолойг тойрон өнгөрч, газрын тосыг экспортлох боломж олгодог уг хоолойг хаасан нь дэлхийн нийт газрын тосны нийлүүлэлтийн 4 хүртэлх хувьд эрсдэл учруулж болзошгүй байна.