Монгол Улсын барилга, хот байгуулалт, сэргээгдэх эрчим хүч, дэд бүтцийн салбарын хамгийн том олон улсын арга хэмжээ болох “BUILD MONGOLIA 2026” олон улсын үзэсгэлэн нь 04 дүгээр сарын 09-11-ний өдрүүдэд Буянт-Ухаа спортын ордонд зохион байгуулагдах гэж байна.
Энэхүү үзэсгэлэн нь Монголын бүтээн байгуулалтын салбарын хөгжлийг шинэ шатанд гаргах, дотоодын болон олон улсын хөрөнгө оруулалт, технологи, инновацыг нэг дор төвлөрүүлэх стратегийн чухал талбар болсоор ирсэн бөгөөд жил бүр цар хүрээгээ тэлж, олон улсын оролцоог нэмэгдүүлэн салбарын хөгжилд бодит хувь нэмэр оруулсаар байна.
Үзэсгэлэнгийн дэмжигч байгууллагаар Монголын сэргээгдэх эрчим хүч үйлдвэрлэгчдийн холбоо, Ивээн тэтгэгч ТЭСО Групп-ийн барилгын материал үйлдвэрлэлийн дэд групп болох "ТЭСО ИНДАСТРИАЛ ПАРК” ажиллаж байгаа бол Нетворк ивээн тэтгэгчээр “We Go Green” LLC, Нийслэлийн Орон Сууцны Корпораци ХК, Монголын Барилгын Үндэсний Ассоциаци ТББ зэрэг компаниуд хамтран ажиллаж байна. Мөн салбарын шилдэг байгууллагуудаас онцлон дурдвал Байгууламж Од ХХК, Monhorus International LLC, Нутгийн буян ХХК, Түмэн төмөрт ХХК, Цонх констракшн ХХК оролцож Build Mongolia 2026 үзэсгэлэнгийн үеэр бүтээгдэхүүн үйлчилгээгээ танилцуулах юм.
“BUILD MONGOLIA” нь зөвхөн бүтээгдэхүүн, үйлчилгээ танилцуулах арга хэмжээ биш бөгөөд барилга, хот төлөвлөлт, дэд бүтэц, инженерийн шийдэл, ухаалаг систем, тогтвортой хөгжил зэрэг ирээдүйн хөгжлийн чиг хандлагыг тодорхойлогч цогц платформ юм. Энэ жилийн үзэсгэлэнгээр дэвшилтэт технологи, ухаалаг барилгын шийдэл, шинэ үеийн материал, автоматжуулалт болон эрчим хүчний хэмнэлттэй инновацуудыг нэг дор танилцуулна. Арга хэмжээнд дотоодын болон олон улсын 100 гаруй компани, 10 гаруй улсын төлөөлөгчид оролцож, өөрсдийн бүтээгдэхүүн, төсөл, технологийн шийдлээ танилцуулах бөгөөд энэ нь бизнесийн шинэ боломж, хамтын ажиллагаа, хөрөнгө оруулалтын өргөн сүлжээг бий болгох онцгой ач холбогдолтой юм.
Үзэсгэлэнгийн хүрээнд B2B уулзалтууд, салбарын мэргэжлийн хэлэлцүүлэг, семинар, туршлага солилцох арга хэмжээнүүд зохион байгуулагдаж, оролцогчдод олон улсын түвшний мэдлэг, шинэ түншлэл, бодит бизнесийн боломжуудыг нэг дор олгоно. Өнөөдөр дэлхий нийт ухаалаг технологи, ногоон хөгжил, тогтвортой барилгын шийдэл рүү эрчимтэй шилжиж буй энэ үед “BUILD MONGOLIA 2026” үзэсгэлэн нь Монгол Улсад олон улсын шилдэг туршлагыг нэвтрүүлэх, салбарын хөгжлийг хурдасгах, ирээдүйн хот байгуулалтын шинэ чиг хандлагыг тодорхойлоход чухал үүрэг гүйцэтгэж байна.
Иймд бид барилга, дэд бүтэц, үйлдвэрлэл, инженерийн салбарын аж ахуйн нэгж, мэргэжилтнүүд, хөрөнгө оруулагчид болон сонирхогч бүх талуудыг энэхүү томоохон арга хэмжээнд хүрэлцэн ирж, шинэ боломж, шинэ түншлэл, шинэ ирээдүйгээ хамтдаа урьж байна.
2026 оны 4 дүгээр сарын 9–11-ний өдрүүдэд “BUILD MONGOLIA 2026” үзэсгэлэн дээр уулзацгаая.
Build Mongolia 2026
Хэзээ: 2026 оны 4 сарын 09-11
Хаана: Буянт-Ухаа спортын ордонд
Зохион байгуулагч: Экспо Монгол ХХК
Дэмжигч байгууллагууд:
· Барилга, хот байгуулалтын яам
· Зам, тээврийн хөгжлийн яам
· Эрчим хүчний яам
Build Mongolia 2026 үзэсгэлэн зохион байгуулах хороо
Дэлгэрэнгүй мэдээллийг: 77773010, 8006-5668
Вэбсайт: www.buildmongolia.com
