УИХ-ын хаврын чуулган эхлэхтэй зэрэгцэн Боловсролын сайд П.Наранбаяр, Эрчим хүчний сайд Б.Чойжилсүрэн нар албан тушаалаасаа чөлөөлөгдөх хүсэлтээ өгсөн. Үүнтэй холбогдуулан Ерөнхий сайд дараагийн сайд нараа томилох шаардлагатай болсон юм. УИХ-ын чуулганы хуралдаанаар энэ долоо хоногт хэлэлцэх асуудлын дараалалд сайд нарын томилгоог оруулжээ. Тодруулбал, маргааш 14:00 цагаас чуулганы нэгдсэн хуралдааныг хуралдуулж Засгийн газрын гишүүдийг чөлөөлөх, томилох талаарх Ерөнхий сайдын танилцуулгыг хэлэлцэхээр төлөвлөсөн байна.
УИХ Засгийн газрын гишүүнийг чөлөөлөх, томилох Ерөнхий сайдын саналтай танилцаж, Ерөнхий сайд болон нэр дэвшигчдээс асуулт асуудаг юм. Харин санал хураалт явуулдаггүй.
