Ховд, Говь-Алтай, Баянхонгор, Өмнөговь, Дорноговийн өмнөд хэсэг, Баян-Өлгийн зарим сумдаар хуурайшилт нэн их байгаа талаар Цаг уур, орчны шинжилгээний газраас мэдээллээ.
Өнөөдрийн байдлаар Баян-Өлгий, Дундговь, Өмнөговь, Дорноговийн нутаг, Ховд, Говь-Алтай, Булган, Төв аймгийн зарим, Өвөрхангай, Хөвсгөлийн зүүн, Сэлэнгэ, Хэнтий, Дорнодын өмнөд хэсгээр хуурайшилт их байна. Харин Завханы нутаг, Өвөрхангай, Төв, Хэнтий, Дорнодын зарим газраар, Баянхонгор, Хөвсгөл, Сэлэнгийн нутгийн хойд хэсгээр хуурайшилтын зэрэг дунд түвшинд байна.
Иймд ой хээрийн бүсэд зорчихдоо галын аюулгүй байдлыг чанд сахиж, ил гал гаргахгүй байхыг онцгойлон анхаарууллаа.
