Үндэсний эрх чөлөө, тусгаар тогтнолоо сэргээн мандуулсны 114 жилийн ойд зориулсан Ерөнхийлөгчийн цомын төлөөх чансаа өндөр 128 бөхийн барилдаан өнөөдөр Монгол бөхийн өргөөнд боллоо. Барилдаанд улсын арслан Б.Орхонбаяр долоо даван түрүүлж, аймгийн арслан М.Баяржавхлан үзүүрлэлээ.
Өнөөдрийн барилдаанд улсын аварга П.Бүрэнтөгс, О.Хангай, улсын арслан Ц.Содномдорж, Б.Орхонбаяр, Э.Оюунболд, Ц.Бямба-Отгон, Р.Пүрэвдагва, Э.Батмагнай, улсын заан Б.Пүрэвсайхан, Н.Жаргалбаяр, Б.Бат-Өлзий тэргүүтэй улсын цолтой 58 бөх барилдлаа. Тодруулбал, улсын аварга хоёр, улсын арслан зургаа, улсын заан 9, улсын харцага 16, улсын начин 25 бөх бүртгүүлсэн юм.
Барилдааны тавын даваанд улсын арслан Б.Орхонбаяр, Ц.Бямба-Отгон, улсын заан Б.Пүрэвсайхан, Б.Зоригтбаатар, Н.Жаргалбаяр, Б.Бат-Өлзий болон аймгийн арслан Д.Алтанцоож, М.Баяржавхлан нарын найман хүчтэн үлдсэн. Энэ даваанд улсын заан Б.Бат-Өлзий, улсын харцага Б.Зоригтбаатар нар тунасан.
Барилдааны шөвгийн дөрөвт улсын арслан Б.Орхонбаяр аймгийн арслан Д.Алтанцоожийг, аймгийн арслан М.Баяржавхлан улсын заан Б.Бат-Өлзийг давж үзүүр түрүүнд үлдлээ.
ТАВЫН ДАВАА:
Улсын арслан Б.Орхонбаяр – улсын заан Н.Жаргалбаяр
Улсын арслан Ц.Бямба-Отгон – аймгийн арслан М.Баяржавхлан
Улсын заан Б.Пүрэвсайхан – аймгийн арслан Д.Алтанцоож
Улсын заан Б.Бат-Өлзий – улсын харцага Б.Зоригтбаатар
ЗУРГААГИЙН ДАВАА:
Улсын арслан Б.Орхонбаяр – аймгийн арслан Д.Алтанцоож
Улсын заан Б.Бат-Өлзий - аймгийн арслан М.Баяржавхлан
ДОЛООГИЙН ДАВАА:
Улсын арслан Б.Орхонбаяр - аймгийн арслан М.Баяржавхлан
