Их эзэн Чингис хааны үүсгэн байгуулсан Их Монгол Улсын 820 жилийн ой энэ онд тохиож буй. Үүнтэй холбогдуулан Засгийн газрын ээлжит бус хуралдааныг ирэх наймдугаар сард Хэнтий аймгийн Биндэр сум, “Их хуралдай” цогцолборт хуралдахаар болжээ.

Монголын түүхэнд 1206 онд Онон голын Дэлүүн болдогт (одоогийн Хэнтий аймгийн Биндэр сум) Их Хуралдай хуралдаж, Тэмүүжинг Чингис хаанаар өргөмжлөн Их Монгол Улсыг байгуулж байсан түүхтэй.

Тиймээс 820 жилийн ойн босгон дээр Засгийн газар тус түүхэн газраа очиж хуралдаж байгаа нь:

• Түүх, соёлын өвийг дээдлэх болон төрт ёсны уламжлалаа сэргээн сурталчлах,
• Эзэн Чингис хааны өв соёл, Их Хуралдай цогцолборын ач холбогдлыг олон нийт болон олон улсад сурталчлах,
• Орон нутгийн аялал жуулчлал, бүсчилсэн хөгжлийг дэмжих зэрэг өндөр ач холбогдолтой үйл явдал болох юм.