УИХ-ын чуулганы нэгдсэн хуралдаанаар 2026 оны төсвийн төслийг хэлэлцэж эхэллээ. Хэлэлцүүлгийн эхэнд УИХ дахь АН-ын бүлгийн дарга О.Цогтгэрэл завсарлага авах шаардлагатай байгаагаа хэлэв.
Тэрээр "Төсвийн хэлэлцүүлгээс завсарлага авах олон шалтгаан байна. Монгол Улсын нэг жилийн төсөв нь дунд хугацааны төлөвлөлттэй уялдсан байх ёстой. Гэтэл 2026-2030 он хүртэлх хугацааны төлөвлөлтөө батлаагүй байж төсвөө хэлэлцэж байгаа нь дарааллын хувьд буруу байна. Тиймээс тав хоногийн завсарлага авах хүсэлтэй байна" гэлээ. Харин УИХ-ын дарга АН-ын бүлгэд хоёр хоногийн завсарлага өглөө.
