Баянзүрх дүүргийн түүхт 60 жилийн ойн баяр наадмын хүчит бөхийн барилдааны дөрвийн даваанд аймгийн начин, жүдо бөхийн ОУХМ Б.Гончигсүрэн улсын аварга О.Хангайг давж шөвгийн наймд үлдлээ.
Энэ даваанд улсын арслан Ц.Бямба-Отгон аймгийн арслан Д.Алтанцоожтой оноолт таарсан. Барилдаанд аймгийн арслан Д.Алтанцоож давж, тавын даваанд аймгийн начин Б.Гончигсүрэнтэй туналаа.
Дөрвийн даваанд улсын арслан Р.Пүрэвдагва улсын начин Э.Мөнхжаргалыг, улсын харцага Л.Лха-Очир улсын начин О.Түмэнг, улсын харцага Г.Бадрах улсын начин Б.Даваа-Очирыг, улсын харцага Э.Даш улсын начин Г.Ганжидийг, улсын харцага Д.Бат-Эрдэнэ улсын начин Б.Чимэдванданг давлаа.
ТАВЫН ДАВАА:
Улсын арслан Р.Пүрэвдагва - Улсын начин О.Мөнх-Эрдэнэ
Улсын харцага Л.Лха-Очир - Улсын харцага Д.Бат-Эрдэнэ
Улсын харцага Г.Бадрах - Улсын харцага Э.Даш
Аймгийн арслан Д.Алтанцоож - Аймгийн начин Б.Гончигсүрэн