Францад өрнөж буй оюутны эсэргүүцлээс зарим талаар санаа авсан хэдэн зуун оюутан Бельгийн зүүн хэсгийн Льеж хотын гудамжинд гарч жагсжээ. Сүүлийн өдрүүдэд жагсаалд оролцсон 107 хүнийг баривчилсан талаар орон нутгийн хэвлэлүүд мэдээлжээ.
Эрх баригчид дэлгүүр, үйлчилгээний газрын эздэд бизнесээ эрт хаахыг зөвлөж, үймээн самуун гарч болзошгүйг анхааруулсан байна.
Льеж хотын төв галт тэрэгний буудлыг мөн хаасан боловч дараа нь дахин нээсэн гэж орон нутгийн хэвлэлүүд мэдээлэв.
Оюутнууд Бельгийн франц хэлээр хичээллэдэг боловсролын тогтолцоог эсэргүүцэж, сургалтын зардал нэмэгдэж, анги танхим хэт ачаалалтай болсныг шүүмжилжээ.
Энэ эмх замбараагүй байдал нь Бельгийн нийслэл Брюссель хотод боловсролын шинэчлэлийг эсэргүүцсэн жагсагчид болон цагдаа нарын хооронд зургадугаар сард болсон мөргөлдөөний дараа өрнөж байна. Тус шинэчлэлийн хүрээнд Бельгийн франц хэлээр ярьдаг Нийгэмлэгийн ихэнх оюутны сургалтын төлбөрийг 835 еврогоос 1194 евро болгон нэмэгдүүлэхээр болсон юм.
