Тээврийн цагдаагийн албанаас явуулсан шалгалтаар өчигдөр буюу 2026 оны аравдугаар сарын 13-ны өдөр жолоодох эрхээ хасуулсан ч дахин согтуугаар тээврийн хэрэгсэл жолоодсон найман гэмт хэрэг бүртгэгджээ. Жолоодох эрхээ хасуулсан үедээ согтуугаар тээврийн хэрэгсэл жолоодсон үйлдэл нь Эрүүгийн хуулийн 27.10 дугаар зүйлд зааснаар эрүүгийн хариуцлага хүлээлгэх үндэслэл болдог байна. Тиймээс энэ төрлийн гэмт хэрэг үйлдсэн тохиолдолд 2.7-14 сая төгрөгөөр торгох, зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял оногдуулахаар хуульчилжээ.
Иймд жолооч нарыг замын хөдөлгөөнд оролцохдоо хариуцлагатай байж, замын хөдөлгөөний дүрмийг чанд мөрдөн, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг Тээврийн цагдаагийн албанаас анхаарууллаа.
