Улаанбаатар хотын тогтвортой авто зам, тээвэр төслийн хүрээнд хэрэгжүүлж буй зам засварын ажил хийгдэж байна. Өнөөдөр буюу наймдугаар сарын 9-ний 23:00 цагаас Баянгол дүүргийн Хөсөг трейдийн уулзвараас зүүн тийш төмөр замын фризерийн зүүн тал хүртэлх замыг хааж, засварын ажлыг эхлүүлнэ. Мөн Сонгинохайрхан дүүргийн 7-р хорооны зам засварын хүрээнд Үйлдвэрчний эвлэлийн гудамжийг цогц гудамж, зам болгон хөгжүүлэх төслийн хүрээнд Өндөр настангийн буудлаас Хүүхэд залуучуудын театр, 7 дугаар хорооноос 67 дугаар сургууль хэсгүүдэд зам хааж, цахилгааны шугам сүлжээний сэтэлгээний ажлыг хийж гүйцэтгэнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.

ӨНӨӨДӨР ЗАМ ХААХ ЧИГЛЭЛ:

1. Баянгол дүүрэг, Хөсөг трейдийн уулзвараас зүүн тийш төмөр замын фризерийн зүүн тал хүртэлх хааж засвар, шинэчлэлтийн ажил хийж гүйцэтгэнэ.

Зам хаах: 8 дугаар сарын 9-ний 23:00 цаг

Зам нээх: 8 дугаар сарын 11-ний 06:00 цаг

2. Өндөр настангийн буудлаас Хүүхэд залуучуудын театр, 7 дугаар хорооноос 67 дугаар сургууль хэсгүүдэд зам хааж, цахилгааны шугам сүлжээний сэтэлгээний ажлыг хийж гүйцэтгэнэ.

Зам хаах: 08 дугаар сарын 09-ний 23:00 цаг

Зам нээх: 08 дугаар сарын 10-ны 06:00 цаг