Нийслэлийн Баянгол дүүргийн 2 хороо “Стар” худалдааны төвийн V давхрын ресторанд өнөөдөр 07:59 цагт гарсан гал түймрийн тархалтыг 08:35 цагт зогсоож, 09:50 цагт бүрэн унтраажээ.
Алба хаагчдыг очиход 200 метр.квадрат террас болон 800 метр.квадрат үйлчилгээний талбай бүхий рестораны 72 метр.квадрат гал тогооны хэсэгт гал түймэр гарсан байсныг шуурхай ажиллаж, унтраасан байна.
Улмаар гал түймрийн шалтгаан, нөхцлийг холбогдох байгууллагын ажилтнууд тогтоохоор ажиллаж байгаа талаар Онцгой байдлын ерөнхий газраас мэдээллээ.
