Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх нэр бүхий эрхмүүдэд төрийн дээд цол, одон, медаль хүртээлээ. 

Шинжлэх ухаан, боловсролын салбарт үр бүтээлтэй ажиллаж, олон арван нэг сэдэвт эрдэм шинжилгээний бүтээл, олон зуун өгүүлэл, заавар, зөвлөмж, гарын авлага боловсруулж, биологийн салбарын мэргэжилтэй хүний нөөц бэлтгэх, Монгол орны загасны аймаг, ус нуурын биологийн олон янз байдал, загас, амьтан, ургамлыг нөхөн үржүүлэх шинжлэх ухааны аргачлал боловсруулан, загас үржүүлгийн эрдэм шинжилгээний төвийг үндэслэн байгуулж, боловсрол, шинжлэх ухааны салбарын хөгжилд оруулсан хувь нэмрийг нь үнэлэн Шинжлэх ухааны гавьяат зүтгэлтэн, Шинжлэх ухааны доктор, профессор, академич А.Дулмаад Монгол Улсын Хөдөлмөрийн баатар цол хүртээж, “Алтан соёмбо” тэмдэг, Сүхбаатарын одонгоор шагналаа. 

Аюурын Дулмаа нь Хөвсгөл, Дархадын хотгорын Цагаан нуур, Төгрөг, Хармай, Тарган, Монгол Алтайн Толбо, Хонгор-Өлөнгийн нуур, хангайн Улаагчины хар, Найман нуур, Бага, Жаахан нуур, Дорнод тал хээрийн Хөх, Сүхбаатар аймгийн Ганга, Дагшин, Зэгст зэрэг найман аймгийн 25 нууранд загас нутагшуулан үржүүлсэн. Ингэснээр жилд 50-340 тн загас барих нөөцийг улсдаа бий болгосон  юм. 

Ардын жүжигчин цолоор: 

Хөгжмийн зохиолч, Урлагийн гавьяат зүтгэлтэн Д.Баттөмөр,

Ардын уран зохиолч цолоор:

Хэл шинжлэлийн ухааны доктор, Соёлын гавьяат зүтгэлтэн Ү.Хүрэлбаатар,

Гавьяат эдийн засагч цолоор:

Сонгуулийн ерөнхий хорооны ахмад ажилтан Ө.Цэрэндорж,

Шинжлэх ухааны гавьяат зүтгэлтэн цолоор:

 Академич, Шинжлэх ухааны доктор, профессор Х.Энхжаргал,

Соёлын гавьяат зүтгэлтэн цолоор:

МҮОНРТ-ийн "Монголын мэдээ" сувгийн ахмад ажилтан Д.Энхтуяа,

Хилийн цэргийн-Соёл, үйлчилгээний төвийн ахмад ажилтан, бэлтгэл хурандаа Ч.Алтангэрэл,

Гавьяат жүжигчин цолоор:

УДЭТ-ын ахмад жүжигчин Б.Даваасүрэн,

Урлагийн гавьяат зүтгэлтэн цолоор:

Улсын филармонийн ерөнхий удирдаач Д.Нямдаш,

Гавьяат багш цолоор:

"Эрдмийн ундраа" цогцолбор сургуулийн зөвлөх багш Д.Нэргүй, 

МУБИС-ийн Сургуулийн өмнөх боловсролын сургуулийн сургалт, арга зүйн төвийн эрхлэгч, доктор, профессор Ж.Батдэлгэр,

"Жет" олон улсын сургуулийн ерөнхий захирал Ц.Чинзориг,

Хүний гавьяат эмч цолоор: 

Эх, нярай, эмэгтэйчүүдийн үндэсний төвийн дэд захирал, хүний их эмч, Анагаах ухааны доктор, клиникийн профессор У.Цэвэгмид,

Үйлчилгээний гавьяат ажилтан цолоор:

"Хужирт рашаан сувилал" ХХК-ийн гүйцэтгэх захирал Г.Энхжаргал,

Гавьяат барилгачин цолоор:

"Харшийн цуурхай" ХХК-ийн захирал Ө.Цэенпил,

Худалдааны гавьяат ажилтан цолоор:

"Эко Могул" ХХК-ийн гүйцэтгэх захирал Л.Уранцэцэг,

Гавьяат нисгэгч цолоор:

"МИАТ” ТӨХК-ийн Боинг 787-9 агаарын хөлгийн дарга, нисгэгч багш Б.Амарсанаа,

Сүхбаатарын одонгоор:

Улсын прокурорын ерөнхий газрын ахмад прокурор М.Одонхүү,

Цэргийн гавьяаны одонгоор:

“Монголын аюулгүй байдал, хамгаалалтын нэгдсэн холбоо”-ны тэргүүн ерөнхийлөгч, цагдаагийн бэлтгэл хурандаа С.Энхсайхан,

Хөдөлмөрийн гавьяаны улаан тугийн одонгоор:

Улсын хоёрдугаар төв эмнэлгийн Цөмийн оношилгоо, эмчилгээний төвийн дарга С.Эрдэнэчимэг,

ШУТИС-ийн Хэрэглээний шинжлэх ухааны сургуулийн математикийн тэнхимийн багш, дэд профессор Б.Ууганбаяр,

СУИС-ийн Хөгжмийн урлагийн сургуулийн Үндэсний урлагийн тэнхимийн багш, уран сайхны удирдагч Н.Түвшинжаргал,

Алтан гадас одонгоор:

"Ийгл бродкастинг" ХХК-ийн тоймч, ерөнхий продюсер С.Эрдэнэбаяр нарыг шагналаа. 

Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон тэдний гэр бүл, хамт олонд эрүүл энх, аз жаргал, сайн сайхан бүхнийг хүсэн ерөөлөө.