Ардчилсан Нам, цаг үеийн улс төрийн нөхцөл байдал болон орон даяар явагдсан намын дотоод сонгуулийн үр дүнгийн талаар мэдээлэл хийлээ.
АН-ын дарга О.Цогтгэрэл "УИХ-ын чуулган хоёр дахь долоо хоногтоо хуралдсангүй. АН-ын бүлэг 42 гишүүнтэй. Эрх баригч намын 68, хамтарсан намуудыг нэмээд 80 гишүүн бий. Хурлаа бүрэн дүүрэн зохион байгуулаад явах боломжтой. 80 гишүүнтэй эвсэл хурлаа хийж чадахгүй байна гэдэг нь АН-ын шаардлага зүй ёсных гэдгийг, МАН-ын дарга Н.Учрал УИХ-ын индрээс буух шаардлага зөв гэдгийг харуулж байна. Энэ шаардлагыг МАН-ын дарга биелүүлэх ёстой гэдгийг хатуу хэлье. Хэрэв чөлөөлөгдөх ёстой гэдэг зарчмын шаардлагыг хүлээж авахгүй бол бид огцруулах арга руу орно.
АН-ын бүлгээс өнгөрсөн хугацаанд ажил хэргийн ярилцлагууд хийж байна. Д.Ганбат гишүүн эвсэл хамтралд ороогүй Үндэсний эвсэлтэй хамтраад УИХ дээр нээлттэй сонсгол зохион байгуулах ёстой гэж үзэж байна.
УИХ-ын гишүүн Д.Ганбат "АН-ын бүлгийн гишүүдийн зүгээс УИХ-ын хянан шалгах, нээлттэй сонсгол хийе гэсэн санал гаргасан. Одоогоор 10 гаруй гишүүн гарын үсгээ зурсан байна. АН-ын бүх гишүүн гарын үсгээ зурна гэдгээ илэрхийлсэн. АН-ын гишүүд ажлаа хэвийн хийж байгаа. Сүүлийн 10, 20 жил МАН дангаараа засагласан. Ингээд ямар байдалд хүрснийг гадна, дотногүй харж байна" гэв.
