Ираны хэд хэдэн албан тушаалтан улс орон нь нэгдмэл байгааг онцолж, АНУ-ын Ерөнхийлөгч Доналд Трампын Техранд удирдлагын зөрчил бий гэсэн мэдэгдлийг няцаалаа.

Ираны Ерөнхийлөгч Масоуд Пезешкиан, Гадаад хэргийн сайд Аббас Арагчи, парламентын дарга Мохаммад Багхер Галибаф нар ижил утгатай мэдэгдэл хийжээ. “Иранд радикал эсвэл дунд үзэлтэн гэж байхгүй. Бид бүгд иранчууд бөгөөд хувьсгалчид: Иранчууд нэг сүнстэй” гэж мэдэгдэлд дурдсан байна.

Мөн дэд ерөнхийлөгч Мохаммад Реза Ареф “Иран хуваагдмал улс биш, харин нэгдмэл байдлын бэхлэлт” гэж мэдэгджээ.

Дээд удирдагч Можтаба Хаменей олон нийтэд харагдаагүй хэвээр байгаа бөгөөд АНУ-ын албаныхан түүнийг шархадсан гэж мэдэгдсэн.

Трамп Ираны удирдлагууд хоорондоо хурц зөрчилтэй мэдэгдсэн нь гал зогсоох хэлэлцээрийг сунгах улс төрийн үндэслэл болж магадгүй гэж ажиглагчид үзэж байна.

Иран хэлэлцээр зогссон шалтгааныг АНУ-ын боомтын хоригтой холбон тайлбарлаж байгаа бол Трамп “Ираны тэнгисийн цэрэг устсан, агаарын хүч сүйрсэн” хэмээн мэдэгдсэн.

Нөхцөл байдал эмзэг хэвээр байгаа бөгөөд Персийн буланд давхар хориг, тодорхойгүй байдал нэмэгдэж, нефтийн үнэ дахин өсөх хандлагатай байна.

Израилийн Батлан хамгаалахын сайд Исраэль Кац улс нь Ираны эсрэг дайныг сэргээхэд бэлэн гэж мэдэгдсэн юм.