Өнөөдөр буюу есдүгээр сарын 7-нд Цэвэр агаар, цэнхэр тэнгэрийн төлөөх олон улсын өдөр тохиож байна. НҮБ-аас энэхүү өдрийг агаарын бохирдлыг бууруулах, агаарын чанарыг сайжруулахын ач холбогдлыг олон нийтэд таниулах зорилгоор тэмдэглэдэг.
Монгол Улсад ч агаарын бохирдол нь ноцтой асуудал хэвээр байна. Тухайлбал, Улаанбаатар хотын өвлийн улирлын PM2.5-ийн дундаж агууламж нь Дэлхийн эрүүл мэндийн байгууллагын (WHO) зөвлөсөн түвшнээс 5–10 дахин их байна
Иймд эрчим хүч, тээвэр, үйлдвэрлэлд цэвэр, сэргээгдэх эх үүсвэрийг ашиглаж, өдөр тутмын амьдралдаа нүүрстөрөгчийн ялгарлыг багасгах арга хэмжээ авах нь зөвхөн өнөөдрийн асуудал биш, ирээдүйн цэнхэр тэнгэр, эрүүл агаарын баталгаа болох юм.
