АН-ын бүлэг өчигдөр УИХ-ын даргыг сонгох хэлэлцүүлгээс завсарлага авсан. Завсарлагынх нь хугацаа дуусаж чуулганы нэгдсэн хуралдаанаар УИХ-ын даргыг сонгох асуудлыг үргэлжлүүлэн хэлэлцлээ.
Чуулганы хуралдаанд оролцсон гишүүдийн олонх нь С.Бямбацогтыг УИХ-ын даргаар сонгохыг дэмжлээ. Гэхдээ АН-ын бүлэг өөрсдийнх нь өргөн барьсан УИХ-ын дарга нам бус байх агуулга бүхий хуулийн төслийг батална гэсэн болзолтойгоор дэмжсэн юм.
Мөн УИХ-ын дарга С.Бямбацогт 2027 оны Ерөнхийлөгчийн сонгуульд өрсөлдөхгүй гэдгээ мэдэгдсэн.
Шинээр сонгогдсон УИХ-ын дарга С.Бямбацогтын товч намтрыг танилцуулъя.
Төгссөн сургууль, мэргэжил:
1992 онд Ховд аймгийн Жаргалант сумын 2-р 10 жилийн сургууль,
1999 онд Санхүү эдийн засгийн дээд сургууль Эдийн засагч
2005 онд Нидерланд Улсын Маастрихтын Их сургууль Эдийн засагч
2014 онд Монгол Улсын Их Сургуулийн Хууль зүйн сургууль эрх зүйч мэргэжлээр тус тус төгссөн.
Ажилласан байдал:
1998-2000 онд "Ховдын өргөө" ХХКомпаний ерөнхий захирал
2000-2006 онд "Нью Прогресс" ХХКомпаний захирал
2006-2008 онд "Нью Прогресс" группын Төлөөлөн удирдах зөвлөлийн дарга
2008 онд "Нью Прогресс" группын Ерөнхийлөгч
2008-2012 онд Монгол Улсын Их Хурлын гишүүн
2012-2016 онд Монгол Улсын Их Хурлын гишүүн
2013-2016 онд Монгол Улсын Их Хурал дахь Монгол Ардын Намын бүлгийн дарга
2016-2020 онд Монгол Улсын Их Хурлын гишүүн
2016-2017 онд Монгол Улсын Засгийн газрын гишүүн, Хууль зүй, дотоод хэргийн сайд
2018-2019 онд Ёс зүйн дэд хорооны дарга
2019-2020 онд Монгол Улсын Их Хурлын Төрийн байгуулалтын байнгын хорооны дарга
2020 оноос Монгол Улсын Их Хурлын гишүүн
2020-2022 онд Монгол Улсын Их Хурлын Хууль зүйн байнгын хорооны дарга
2022-2024 онд Монгол Улсын Засгийн газрын гишүүн-Зам, тээврийн хөгжлийн сайд
2024 оноос Монгол Улсын Их Хурлын гишүүн
2024-2025 онд Монгол Улсын Засгийн газрын гишүүн, Батлан хамгаалахын сайд
2025 оноос Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
