2026 оны хоёрдугаар сарын байдлаар гадаад худалдааны нөхцөлийн индекс 96.3 болж, өмнөх сараас 6.1 хувь, өмнөх оны мөн үеэс 13 хувиар өссөн талаар Үндэсний статистикийн хороо мэдээллээ.

Экспортын үнийн индекс 101.7 хувь болж, өмнөх оны мөн үеэс 16 хувь, өмнөх сараас 6.3 хувиар өссөн байна. Энэ өсөлтөд алтны үнэ 80.2 хувь, зэсийн үнэ 75.9 хувиар өссөн нь голлон нөлөөлжээ.

Харин импортын үнийн индекс 105.6 хувь болж, өмнөх оны мөн үеэс 2.7 хувь, өмнөх сараас 0.2 хувиар өссөн байна.