Баянхонгор, Өвөрхангай, Дундговь, Өмнөговь, Дорноговь, Говьсүмбэр аймгийн нутаг, Төв аймгийн зарим сумдын нутгаар ирэх даваа гарагт буюу гуравдугаар сарын 2-ны өдөр хүчтэй цасан болон шороон шуурга шуурахыг анхааруулж байна. Мөн Хөвсгөл, Завхан, Баянхонгор, Архангай, Булган, Төв, Сэлэнгэ, Хэнтий, Дорнодын нутгаар ахиухан нойтон цас орж болзошгүй байгаа аж.

Иймд ирэх сарын 2-ны өдрийн үдээс хойш болон үдэш орой Өвөрхангай, Дундговь, Өмнөговь, Говьсүмбэр, Дорноговийн чиглэлийн хот хоорондын автозамд онцын шаардлагагүй бол зорчихгүй байх, тухайн өдрийн цаг агаарын нөхцөл байдлыг урьдчилан сайтар сонсож байж замд гарахыг Цаг уурын байгууллагаас анхаарууллаа.