УИХ-ын Төрийн байгуулалтын байнгын хорооны дарга Ц.Сандаг-Очир мэдээлэл хийлээ.
Тэрээр "Төрийн байгуулалтын байнгын хорооны шийдвэр бол эцсийнх биш гэдгийг ойлгох хэрэгтэй. Эцэслэн шийдвэрлэх эрх нь УИХ-ын бүх гишүүдэд бий. УИХ-ын чуулганы хуралдаанд Байнгын хорооны санал дүгнэлтээр, илээр санал хураалт явуулна. Сүүлийн гурван удаагийн Ерөнхий сайдыг огцруулах процессыг харвал чуулган дээр Байнгын хорооны саналаар санал хураалт явуулсан байна. Тухайлбал, Ж.Эрдэнэбат Ерөнхий сайдыг огцруулах асуудлаар Байнгын хороо хуралдаад дэмжихгүй гэж шийдэж байлаа. Улмаар чуулган дээр дэмжихгүй гэдгээр нь санал хураалт явуулж байсан.
Ерөнхий сайдыг огцруулах асуудлыг маргааш 13:00 цагаас өмнө шийдвэрлэх ёстой" гэв.
