Үзэгчдийн дунд хаврын улирлын эхэнд хамгийн их хүлээлттэй байсан “Super Mario Galaxy Movie” нээлтээ хийсэн долоо хоногтоо бокс оффисын рекордуудыг эвдэж эхэллээ.
“Universal Pictures”-ийн бүтээсэн уг кино АНУ-д нээлтээ хийснээс хойших тав хоногийн хугацаанд 190.1 сая, амралтын 3 хоногт 130.9 сая ам.долларын орлого олсноор түүхэн дэх хамгийн өндөр үзүүлэлттэй бүтээлийн нэг болж бүртгэгджээ. Энэ нь зөвхөн АНУ-д бус олон улсын хэмжээнд ч хүчтэй эрэлт байгааг илтгэж байна.
Гадаад зах зээлд тус бүтээл 182.4 сая ам.долларын орлого цуглуулснаар олон улсын нийт нээлтийн орлого нь 372.5 сая ам.долларт хүрэв. Ингэснээр уг франчайз видео тоглоомоос сэдэвлэсэн кинонуудын жагсаалтыг итгэл төгс тэргүүлж байна.
